SPINNING THE LANDSCAPE YARNS – LANDSLAGSGARN

Gestalistamaður Gilfélagsinns Sanna Vatanen opnar í Deiglunni laugardaginn 24. febrúar kl. 14.00.

Sýningin „LANDSLAGSGARN“ verður  í  Deiglunni á Akureyri 24. og 25. febrúar. Opnunartími: frá 14 til 17. Sanna verður viðstödd & spinnur ull í garnið sitt.

Finnska textíllistakonan Sanna Vatanen á langvarandi tengsl við Ísland, þau eru grunnurinn að verkum hennar á dvalartímanum í Gestavinnustofu Gilfélagsins. Hún hefur spunnið íslenskri ull og búið til einstakt handspunnið garnsafn, Landslags-garn. Garnsafnið sækir innblástur í íslenskra náttúru og endurtekur liti ösku, mosa, snjóss, íss, hrauns, þoku, sands, sjós, himinns, engja…

Innblásin af sérkenni íslensku ullarinnar  lengri, grófari ytra lagi (Tog) og fínna undirlagi (Þel), sem gefur óspunnum þræðinum einstakan þéttleika, plötulopi frá Álafossi er notaður í verkefnið. Ullin sem þegar er í plötum er mjög skemmtileg að spinna úr og blanda saman litunum úr mörgum ólíkum ullarlitaplötunum. Plötulopi er einnig efnið sem upphaflega var notað í hinar goðsagnakenndu lopapeysur þar sem kostir íslensku ullarinnar koma vel fram í blautu og köldu veðri, vegna þess að ullin er notuð óspunnin.

Garnsafnið verður síðan notað sem efniviður í  handprjónað peysusafn Landscape Lopis (vinnuheiti). Hugmyndin að baki „Landscape Lopis“ er að kynna persónulegar minningar og upplifanir yfirfærðar í spuna og prjón – og þannig fá þær að birtast opinberlega í klæðilegum fötum í daglegu lífi í stað þess að geyamst einungis sem minningar innan húss. Að nota peysur sem póstkort og segja sögu.

„Umhverfistextíllistarverkefnin sem ég tók þátt í á Íslandi á meðan ég var í námi höfðu varanleg áhrif á mig. Síðan þá hef ég snúið aftur og aftur í kröftugra náttúru Íslands og upplifunin er ný í hvert skipti.“

Sanna Vatanen menntaði sig við Lista- og hönnunarháskólann (nú AALTO háskólann) í Helsinki, Finnlandi. Á ferli sínum hefur hún, auk þess að sýna, gefið út 7 prjónabækur þar sem hún fjallar meðal annards um textíltækni lagt áherslu á notkun heimafenginnar ullar og annarra sjálfbærra og endurunninna efna. Hún er býr á eyjunni Kökar, Álandseyjaklasanum, þar sem hún vinnur að nýjum verkefnum sem snúast um ull Álandseyja.