Secret Chrystalization, sýning Andrea Weber

Næstkomandi laugardag kl. 14 opnar Andrea Weber sýningu á nýjum verkum í Deiglunni kl. 14.30 heldur hún kynningu á verkunum.

Andrea Weber sem hefur að undanförnu dvalið í gestavinnustofu Listasafnsins opnar myndlistasýningu sína kl. 14 á laugardaginn.

Í listsköpun vinnur Andrea mikið með hugmyndir um tíma og rúm og sambandið milli líkama og umhverfis. Einnig vinnur hún út frá abstract málverkum sem gerð eru eftir forskrift er nefnist Weathertranscription, en auk þess gerir hún innsetningar, fremur gjörninga og fleira.

Andrea Weber er menntuð í ljósmyndun frá listaháskólanum í Essen, Þýskalandi, og Beaux Arts í París, Frakklandi. Hún hefur einnig menntun í Qi Gong og myndlistarkennslu. Weber býr og starfar í París, en dvelur um þessar mundir í gestavinnustofu Listasafnsins.

Sýningin er einnig opin. sunnudaginn 5. mars. frá 14 – 17.

Við vekjum athygli á kynningu Andreu kl. 14.30 á laugardaginn sem í hennar eigin orðum verður „performative reading“ og tekur um það bil 30 min.

www.andreaweber.net er vefsíða Andreu.