Málverkasýning Svanheiðar Ingimundardóttur í Deiglunni  

Svanheiður Ingimundardóttir/Svansý sækir innblástur við listsköpun sína að miklu leiti í náttúru Íslands sem hún tengist sterkum böndum. Hún heillast af eignleikum vatns og lita og hve ólíkt flæði þeirra er eftir gerð pappírsins sem valin er. Svansý hefur tekið þátt í fjölda samsýninga. 

Svanheiður ólst upp á Suðurlandi og bjó þar til ársins 1995 er hún fluttist að Bifröst þaðan sem hún útskrifaðist 1998. Eftir námið starfaði hún við skrifstofustörf en innra með henni blundaði alla tíð þrá til að skapa. Þann draum lét hún svo loks rætast árið 2015 þegar hún skráði sig í myndlistanám sem hún stundaði næstu ár með vinnu og hefur sótt námskeið í vatnslitamálun hjá fjölda listamanna, innlendra og erlendra. Svanheiður er einn af stofnendum Vatnslitafélags Íslands og hefur verið ritari félagsins frá stofnun þess.

Eftir starfslok hefur Svanheiður helgað sig alfarið vatnslitamálun.

​Töfrar vatns og lita er fyrsta einkasýning hennar.