HEFST ÆVINTÝRIÐ Á LISTASUMRI? AUGLÝST ER EFTIR UMSÓKNUM UM STYRKI

Auglýst hefur verið eftir umsóknum um styrki fyrir Listasumar. Leitað er að áhugaverðum og skemmtilegum hugmyndum fyrir viðburði og listasmiðjur en Listasumar hefst laugardaginn 24. júní og lýkur á Akureyrarvöku 26. ágúst. Alls eru 15 styrkir í boði, samtals 1.000.000 kr.

Styrkjum fylgir afnot af rými í Hofi, Deiglunni eða Rósenborg. Síðasti dagur til sækja um er fimmtudagurinn 18. maí. Umsóknareyðublöð og nánari upplýsingar um styrkina á íslensku og ensku er að finna á heimasíðunni listasumar.is og ef frekari upplýsinga er óskað er hægt að senda fyrirspurn í netfangið listasumar@akureyri.is Listasumar er einnig að finna á Facebook.