Með mínum augum
Ljósmyndasýning Hermanns frá Hvarfi opnar föstudaginn 4. nóv kl. 16.
„Hermann Gunnar hefur um árabil fangað fegurð íslensks landslags með ljósmyndum sínum og beinir sjónum oftar en ekki að næsta nágrenni
Grenivíkur, Gjögraskaga og Bárðardals.
Myndir Hermanns bera vott um næmt auga fyrir náttúrunni, hinu smáa jafnt sem stóra. Í myndum hans leika lipurlega saman birta, skuggar,
spegilmyndir og form. Fólk, hestar og gróður birtast í verkum hans, í einföldum fallegum takti við form í náttúrunni, þannig að engu er
ofaukið“
Elsa María Guðmundsdóttir, sýningarstjóri
Hermann Gunnar Jónsson sýnir 37 ljósmyndir í Deiglunni, ef þú ert ekki viðbundinn og hefur nokkurn áhuga á að líta við þá láttu það eftir þér og vertu velkominn.
Boðið verður uppá léttar veitingar og aðgangseyrir er enginn.
Sýningin stendur aðeins þessa einu helgi og er opin:
föstudag kl. 16:00 – 20:00, laugardag og sunnudag kl. 11:00 – 17:00.
